Qalibaf: De-dollarizasiya Amerikanın inkişaf etməkdə olan iqtisadiyyatlara təzyiqini dayandıracaq

Məhəmməd Baqir Qalibaf bu gün (11 iyul)  cümə axşamı Rusiyanın Sankt-Peterburq şəhərində BRİKS liderlərinin görüşündə deyib: “Yeni ölkələrin mövcudluğu və ölkələrin bu çoxtərəfli beynəlxalq təşkilata üzv olmaq istəyinin artması tendensiyası onun beynəlxalq münasibətlərdə əhəmiyyətindən və dünya arenasında mövqelərinin möhkəmlənməsindən xəbər verir.” 
İslami Şura Məclisinin sədri deyib: “Mövcud dünya sistemi regional və beynəlxalq mübahisələrin həlli, müharibələrə, münaqişələrə, bərabərsizliklərə son qoymaq sahəsində səmərəli tədbirlər həyata keçirə bilməmişdir. Buna görə də, çoxtərəfli təşkilatlar çərçivəsində yeni kollektiv iqtisadi və siyasi imkanlar formalaşır ki, dünyada çoxqütblülük prinsipinə əsaslanan qlobal idarəçilik yayılsın.” 
İslam Respublikasının daimi mövqeyinin çoxtərəfli sistemə diqqət yetirilməsinin zəruriliyi olduğunu bildirən Qalibaf  vurğulayıb: “Belə bir münasibətlə İran hökuməti və İslami Şura Məclisi güclü qətiyyətlə üzvlər arasında faydalı əməkdaşlıq, tərəfdaşlıq və BRİKS-in uca məqsədlərinin əməli şəkildə həyata keçirilməsini istəyir.” 
BRİKS-ə üzv ölkələrin qlobal dəyər zəncirində getdikcə daha effektiv rol oynamağa çalışmalı olduğunu bildirən İslami Şura Məclisinin sədri qeyd edib: “İnanıram ki, BRİKS-ə üzv ölkələrin iqtisadiyyatları müxtəlif və strateji sahələrdə çoxsaylı imkanlarla bir-birini tamamlayır və gücləndirir. Bu, ikitərəfli və çoxtərəfli əməkdaşlığın qarşılıqlı inkişafı üçün dəyərli imkandır.”